ഇന്ത്യയിലെ ഫുട്ബോൾ ആരാധകർ എക്കാലത്തും നെഞ്ചിലേറ്റുന്ന പേരാണ് ലയണൽ മെസ്സി. മെസ്സി ഇന്ത്യയിൽ എത്തുന്നു എന്ന വാർത്തകൾ വരുമ്പോഴെല്ലാം ആരാധകർ ആവേശത്തിന്റെ കൊടുമുടിയിൽ എത്താറുണ്ട്. എന്നാൽ ഇന്ത്യയിൽ എത്തിയിട്ടുപോലും ഒരു സൗഹൃദ മത്സരത്തിന് മെസ്സി ബൂട്ട് കെട്ടാൻ തയ്യാറാകാത്തത് പലപ്പോഴും ആരാധകരിൽ നിരാശ ഉണ്ടാക്കാറുണ്ട്. എന്തുകൊണ്ടാണ് മെസ്സി ഇത്തരം മത്സരങ്ങളിൽ നിന്ന് വിട്ടുനിൽക്കുന്നത്? അതിന് പിന്നിലെ യഥാർത്ഥ കാരണം അഹങ്കാരമോ അവഗണനയോ അല്ല, മറിച്ച് ലോകത്തെ വിസ്മയിപ്പിക്കുന്ന ഒരു ഇൻഷുറൻസ് പോളിസിയാണ്.
8151 കോടിയുടെ ഇടംകാൽ!
ലോക കായിക ചരിത്രത്തിലെ തന്നെ ഏറ്റവും വലിയ ഇൻഷുറൻസ് പോളിസികളിലൊന്ന് മെസ്സിയുടെ പേരിലാണുള്ളത്. ഫുട്ബോൾ ലോകത്തെ വിറപ്പിക്കുന്ന മെസ്സിയുടെ മാന്ത്രികമായ ഇടത്തെ കാലാണ് ഈ പോളിസിയുടെ കേന്ദ്രബിന്ദു. ഏകദേശം 900 മില്യൺ ഡോളർ, അതായത് ഇന്ത്യൻ രൂപയിൽ കണക്കാക്കിയാൽ ഏകദേശം 8151 കോടി രൂപയ്ക്കാണ് മെസ്സിയുടെ ഇടത്തെ കാൽ ഇൻഷുറൻസ് ചെയ്തിരിക്കുന്നത്!
കടുത്ത നിബന്ധനകൾ
ഈ ഭീമൻ ഇൻഷുറൻസ് തുകയ്ക്ക് പിന്നിൽ കശക്കലായ ചില നിബന്ധനകളുണ്ട്. പോളിസി പ്രകാരം, മെസ്സിയുടെ കാലിന് പരിക്ക് പറ്റിയാൽ ഈ തുക അദ്ദേഹത്തിന് ലഭിക്കും. എന്നാൽ ഇതിൽ ഒരു വലിയ 'പക്ഷേ' ഉണ്ട്:
അനുമതിയുള്ള മത്സരങ്ങൾ: സ്വന്തം രാജ്യത്തിന് (അർജന്റീന) വേണ്ടിയോ, താൻ കരാറിലേർപ്പെട്ടിരിക്കുന്ന ക്ലബ്ബിന് വേണ്ടിയോ മാത്രമേ മെസ്സി കളിക്കാൻ പാടുള്ളൂ.
അനൗദ്യോഗിക മത്സരങ്ങൾ: ഔദ്യോഗികമല്ലാത്ത സൗഹൃദ മത്സരങ്ങളിലോ, മറ്റ് പ്രദർശന മത്സരങ്ങളിലോ കളിക്കുമ്പോൾ മെസ്സിക്ക് പരിക്ക് പറ്റിയാൽ, ഈ ഇൻഷുറൻസ് പരിരക്ഷ (Claim) മെസ്സിക്ക് പൂർണ്ണമായും നഷ്ടമാകും.
റിസ്ക് എടുക്കാൻ വയ്യ
ഇന്ത്യയിൽ നടക്കുന്ന സ്വകാര്യ സന്ദർശനങ്ങളിലോ മറ്റ് ചടങ്ങുകളിലോ വെച്ച് ഒരു സൗഹൃദ മത്സരത്തിന് മുതിർന്നാൽ അത് ഇൻഷുറൻസ് കമ്പനിയുടെ നിബന്ധനകൾക്ക് എതിരാകും. അപ്രതീക്ഷിതമായി എന്തെങ്കിലും പരിക്ക് സംഭവിച്ചാൽ നഷ്ടമാകുന്നത് 8000-ത്തിലധികം കോടി രൂപയാണ്. അതുകൊണ്ട് തന്നെ, ആരാധകരുടെ സ്നേഹം എത്ര വലുതാണെങ്കിലും, കരിയറിന്റെയും സാമ്പത്തിക സുരക്ഷിതത്വത്തിന്റെയും കാര്യത്തിൽ ഇത്ര വലിയൊരു റിസ്ക് എടുക്കാൻ മെസ്സി തയ്യാറല്ല എന്നതാണ് വാസ്തവം.
ഇന്ത്യയിൽ എത്തിയിട്ടും മെസ്സി മൈതാനത്ത് ഇറങ്ങി ഒന്ന് പന്ത് തട്ടാത്തതിന്റെ പിന്നിലെ രഹസ്യവും ഇതുതന്നെയാണ്.
0 Comments