ഭുവനേശ്വർ: കലിംഗ സൂപ്പർ കപ്പ് സെമിഫൈനലിൽ ഈസ്റ്റ് ബംഗാളും പഞ്ചാബ് എഫ്സിയും തമ്മിലുള്ള മത്സരത്തിനിടെ ഗാലറിയിൽ ഉയർന്ന പ്രതിഷേധ ബാനർ അധികൃതർ നീക്കം ചെയ്തു. ഇന്ത്യൻ ഫുട്ബോളിന്റെ നിലവിലെ അവസ്ഥയിലുള്ള അതൃപ്തി പ്രകടിപ്പിച്ച് ഈസ്റ്റ് ബംഗാൾ ആരാധകരാണ് 'സേവ് ഇന്ത്യൻ ഫുട്ബോൾ' (SAVE INDIAN FOOTBALL) എന്ന ബാനർ ഉയർത്തിയത്.
മത്സരത്തിന്റെ കിക്ക്-ഓഫ് സമയത്താണ് ആരാധകർ ഈ ബാനർ പ്രദർശിപ്പിച്ചത്. എന്നാൽ മത്സരം തുടങ്ങി വെറും അഞ്ച് മിനിറ്റിനുള്ളിൽ തന്നെ അധികൃതർ ഇടപെട്ട് ഈ ബാനർ എടുത്തുമാറ്റി.
ഇന്ത്യൻ ഫുട്ബോൾ ഭരണസമിതിക്കെതിരെയും, ഫുട്ബോൾ നടത്തിപ്പിലെ പോരായ്മകൾക്കെതിരെയും ആരാധകർക്കിടയിൽ വർദ്ധിച്ചുവരുന്ന പ്രതിഷേധത്തിന്റെ സൂചനയായാണ് ഇതിനെ കാണുന്നത്. ബാനർ പെട്ടെന്ന് നീക്കം ചെയ്തെങ്കിലും, ഇതിന്റെ ദൃശ്യങ്ങൾ സമൂഹമാധ്യമങ്ങളിൽ ചർച്ചയായിട്ടുണ്ട്.
0 Comments